啫啫通菜煲@Le Creuset

 

一次在街外吃晚飯, 點了啫啫芥蘭煲, 很好吃, 回家也來試試, 我只是將吃到的味道記下來, 今次配了通菜及五花腩片, 有肉有菜, 兩公婆簡簡單單又一餐~

外婆家滷豬肉@Lc Creuset

家中由小吃到大的滷豬肉, 很懷念啊~~

潤腸排骨煲仔飯@Le Creuset

今日突然凍了好多, 氣溫一下子降了6-7度, 整天又下雨, 天文台又話明天更會跌至14度, 這麼凍的天氣, 最好來一煲熱辣辣的煲仔飯。

要煲一煲靚的煲仔飯, 當然是有少少飯焦、飯軟焦香的~ 其實不一定要明火及瓦煲才可有飯焦較果, 用電磁爐加上LC鍋,  只要時間掌握得好, 一樣可以有同樣較果。

梅子蒸鴨@Le Creuset

又到四月, 去年四月買了很多梅子浸酒, 也順道醃製了一瓶鹽水梅, 剛好一年, 拿出來試試味...正...無澀味, 成功左!!

蒸茄子@Le Creuset

LC 每日一餸
今日清清地，整左蒸茄子，以前用鑊蒸茄子，份量太多唔易蒸熟，大火分分鐘要蒸上20分鐘，
今次用左24cm LC鍋，傳熱好, 用中火，中途只翻過一次，很快便將茄子蒸熟，加上蔥蒜油，味道一流~ 另一味燒排骨，用光波爐幫手，沒有油煙，輕輕鬆鬆，不需半小時便煮好一餐...easy job!
.

臘腸冬菇蒸雞@Le Creuset

 

今日整左"臘腸冬菇蒸雞", 真係好快好方便, 雞肉又滑滑, LC錫晒您~

冬瓜炆火腩煲@Le Creuset

話說買左新煲, 總要拿出來煮多啲不同餸菜來交代, 如果唔係下次老公仔唔比我買新LC

昨天行山之後, 攰到不得了, 回家小睡一會, 醒來已6時多, 拿拿淋起身去街市, 看看有什麼好吃的...

噢..只買了一條黃腳立...跟住去了超市, 買了冬瓜及燒腩仔...回家去~

冬瓜炆火腩煲

材料: 冬瓜, 燒肉, 豆卜, 蒜豆2粒, 薑2-3片
調味: 水 3/4碗, 調味雞汁 1茶匙, 鹽1/2 茶匙

做法:
1) 冬瓜去皮去籽, 洗淨切件,
2) 燒熱LC鍋, 下小許油, 爆香蒜豆及薑片, 順序下冬瓜, 豆卜, 水, 雞汁及鹽, 炆煮5分鐘,
下燒肉, 再炆8-10分鐘至冬瓜腍身便可。 

24cm Sukyaki 上桌 ~

 

梅菜扣肉@Le Creuset

買左新鍋24小時, 今日攞出來放上電磁爐上, 白色鍋撞黑色爐...靚到爆燈 ~ ,
Sukyaki pot 較矮身,  闊度與碟子差不多, 我買的是24cm, 直接上桌會較易夾餸.

今次開鍋整 "梅菜扣肉", 我是用冰鮮的腩肉, 因為炆餸時間較長, 味度較濃, 用冰鮮肉不影響食味. 

材料:
五花腩肉 1斤 (冰鮮只需$32/斤)
甜梅菜 3棵 (約250克 / 未夠半斤) 
冰糖 40克
老抽/生抽 各3湯匙

做法:
1) 腩肉先汆水，切大件, 梅菜洗乾淨, 切粒

2) 白鑊炒香梅菜粒, 炒至乾身後可加入少許生油炒一會,

3) 放入腩肉, 加熱水蓋至食物表面, 加入冰糖、生抽及老抽各2湯匙,

4) 蓋上鍋蓋, 用小火炆煮90分鐘, 中途要翻2-3次,

5) 上桌喇~

急凍菲律賓東星班

早前過節，超市多了很多急凍菲律賓東星班，Sales姐姐極力推銷，買了一條回家試試。
食後感 : 腥味少，可接受，魚肉可能經過了雪藏，部份水份流失，肉質較實，不像新鮮的那麼滑。
做節的話....還是要去街市買一條新鮮的來上桌吧~


身長有一對筷子的長度，早一天已從冰箱取出放在雪櫃入解凍。

只需$36.10，306克即是9兩重，適合2-3人家庭。

解凍後一看，全條魚已去鱗、去腸及去鰓，十分乾淨，只需用清水洗淨便可。

因為是急凍魚，在雪櫃解凍後，魚身仍在4度以下，所以必須要在烹煮前2小時從雪櫃取出，回復室溫，才開始蒸煮。
蒸魚時間9分鐘

蒸好後再灒上熟油及香蔥。

與大閘蟹戰鬥!

繼中秋節食月餅之後，又到左食大閘蟹的季節。

我地一家人一向不太喜好有殼的食物，蟹亦非我家人所好，
不過如果免費有得食，出點力也無所謂!
 
話說上星期日收到細佬來電通知有新鮮大閘蟹由江蘇坐火車運到，佢話送兩隻比我食，不過問題是啲蟹全部未綁繩，要諗諗計點攪?  身為家姐的我，又要發揮我的小宇宙，於是我在家中找來尼龍繩、膠手套，出發去媽媽屋企綁蟹囉~

新鮮的大閘蟹，一個網袋有20隻呀，點算好呀!!!!!

乖乖地啦，唔好玩口水啦!!!

先按住佢個身體，

將八隻爪收好，然後收好雙蟹鉗，




用盡九牛二虎之力將佢綁住，我成身出晒汗，好驚佢鉗我，
不過綁左幾隻之後已經熟手，好快攪掂。

 


未食先放入雪櫃雪住佢......
我分左4隻，媽媽分左5隻，

 

爸爸話係黃毛金爪，好野呢嘅!  

每隻有四兩重喎，

好乾淨，蟹身無泥，不過仍要用牙刷同佢地沖沖涼、擦擦身，
沖乾淨積存的泥，咁就食得安心咧。
 

 


媽媽幫我地係藥材舖買左紫蘇葉，5蚊一兩有好多片，用幾片就夠咧~ 
再加十片薑左右，

 

先將紫蘇葉、薑片、水一起煮沸，
再滾幾分鐘至聞到紫蘇葉及薑片的香味，熄火，放入蒸餸架，

 


將蟹肚向上置在蒸架上，中火蒸20分鐘即可。

 

 

在蒸蟹的同時，開始預備大閘蟹醋，用鎮江醋、紅糖、薑米調製。
我比較愛吃甜味重一點的醋，所以下了較多糖，大家可依個人口味逐少加糖調較合適口味。

 

上碟喇~

滑滑又甘香的蟹膏，好好味啊~ ........

細佬.....你幾時再有蟹要綁啊....呵呵....隨時call我，報酬要幾隻蟹就得喇~~