自製雲呢拿糖

去年姊姊在加拿大回港，我托她買了一些雲呢拿枝、雲呢拿精華及雲呢拿膏給我。
此類香料在加拿大買比較便宜，如在CitySuper 買一小瓶的價錢在加拿大已經可以買大瓶裝。



馬達加斯加雲呢拿枝，一盒有2瓶，一瓶有5枝。




雲呢拿膏 (Paste ~ 內含有雲呢拿籽，一茶匙份量等於一條雲呢拿枝)，

雲呢拿精華 (Extract ~ 純香油)





近日多了看甜心先生 Thomas 教整甜品，很多時都會用到「雲呢拿糖」，材料很簡單，自己也可以動手做 ~
 

材料 : 雲呢拿枝及砂糖

切開雲呢拿枝，用刀尖取出雲呢拿籽，

 

將雲呢拿籽與糖混合

豆莢也要放入去，讓香味滲入砂糖內，兩個星期便可用。

 

新鮮沙薑&農家乾蔥頭

在街市買了新鮮的沙薑及乾蔥頭

此種乾蔥頭與平日買的袋裝不同，它是由原條紅蔥紮成一束後風乾，會有一條長長的蔥尾連著。

圓型是袋裝的乾蔥頭， 長型的是修剪後的乾蔥頭，煮熟後很甜，好正。

沙薑好細件，以前是買沙薑粉及沙薑粒，今之試下用新鮮沙薑來醃雞，切開後聞到沙薑香味，好香。

下次去街市買菜，不妨留意一下這款一綑的紅蔥頭。

 

味醂&料理酒

有 blogger 問味醂和料理酒在哪兒可以找到?

通常在日式百貨的超市可以找到。 吉之島內的超級市場或者是十蚊店都有，但十蚊店唔係成日有貨，通常係 300ml 瓶裝，12蚊一瓶，細細瓶適合初用者使用。

以前吉之島超市只有大瓶裝，一公升真係有排用，不過昨晚去睇也有細瓶裝了，$15.90/一瓶，但一公升瓶雖然加了價, TOPVALUE 牌子賣 $20.90 (以前是 $19.90), 不過相對之下大瓶抵好多 !

另外，佢地的日本低鹽醬油也好好用，而且唔會變酸 (有時煮餸加左豉油會有酸味)，不妨買枝試下。

朱古力磚

在新信興買的朱古力磚, 新加坡製造，1包有 2.5 KG, $120.00

 

桂花糖

桂花糖，我這一樽是在銅鑼灣三陽買的，全部是由桂花加糖煮成。

另一種叫"桂花釀"，比較稀，少甜，裡面有酒香。

 

椰汁

泰國出品，6包裝，每包 150 ml，在價真棧有售

 

味醂

味醂（みりん）來自日本，是一種類似米酒的調味料，含有10%的酒精。由甜糯米加上麴釀成,味醂中富含的甘甜及酒味，能有效去除食物的腥味。味醂的甜味能充分引出食材的原味，是照燒類料理時，味醂便是不可或缺的調味料。味醂具有緊縮蛋白質，使肉質變硬的效果,如果怕菜煮出來太軟糊,要早點加;相反的如果怕菜太硬柴,則要晚點加。烹調時加入味醂還能增添光澤，使食材呈現更可口的色澤 (資料來自維基百科 )

味醂可以用來醃肉、煮麵豉湯、煮鰻魚汁、煮日式燒釀魷魚筒等

十蚊店的果醬

今次在吉之島十蚊店買了這三款果醬，

1.  Chocolate Cream - 是朱古力醬，但奶味不重，有朱古力味，用來伴班戟都幾好味

2. Strawberry Jam - 士多啤梨果醬 ~ 我仍未開，所以未知味道如何。

3. Orange Marmalade ~ 橙皮果醬 ~ 意想不到超好味 !  一向不愛果皮占的我也要食多幾口 ~

Mozzarella Cheese@新信興

而家成日焗野食，由其是 PIZZA，意粉，好多時都要買 Mozzarella cheese，不過每次係超市買都好貴，$59.90 才得 500gm，整一次 PIZZA 重貴過去 PIZZA HUT 外賣。

左問又問之下，老師叫我地去旺角新信興睇下，佢有好多材料買。結果買左呢包 mozzarella cheese， 2 kg 才 $ 138.00，真係好抵，是澳洲出產，老師都係用佢

新信興地址 : 旺角深圳街6號地下 (旺角街市後面)

 

買左咁大包，分左8份，每份 250 gm

然後用 AnyLock 包好

霸佔了冰箱一角

特濃芝士長通粉

呢隻特濃芝士長通粉非常好味，只要加2碗水煮9-10分鐘即可食用，加d材料又可變化成其他口味，是我家不可決少的存貨。

不過佢都唔平，平日水永安 or Sogo 賣 $19.90一包，不過有時有 promotion，$100/7包，好低食，今年美食節又有特價，即刻上倉 !

 

金罐牛油

櫻花蝦 vs 上海蝦皮

琴日去左十蚊店 shopping，見到呢包東東 ..........

日文寫 : 「櫻花蝦」，好明顯佢呢包就係我平日煮送用的 「上海蝦皮」喇。

嘩嘩嘩~ 呢包東東係十蚊店要用 $12 蚊先買到，只有2-3湯匙份量，比起我買的上海蝦皮真係貴好多好多倍。

睇下 ~ d蝦仔一樣 size 嫁.....

日本人鐘意將佢酒在豆腐、燒餅上面食，我就鐘意用佢煮勝瓜 & 煎蛋，好好味嫁。