製造飛碟!

好攪笑，原本是做鮮奶球，因為搵唔到紙托，用左鬆餅模做托，焗出來成隻飛碟樣，so cute !

香蔥煎餅 、香蔥蛋餅

近日多了去街市買菜，姐姐好好人，次次都比幾棵蔥給我，食得唔好徙，於是簡簡單單整個 "香蔥煎餅" 做午餐 ~ 不過我地細細個已經叫佢做 "煎薄罉"，不管它是什麼名稱，好食就得喇!

材料 (三片份量) :

青蔥    2-3棵  (視乎你愛蔥的程度)

高筋麵粉   8湯匙  (160克)

栗粉      2 至 2.5 湯匙 (40克)

水      400 ml  (400克)

雞粉    半茶匙

鹽     1小巴

麻油    一湯匙

做法 :

1. 青蔥清洗抹乾水份，切小粒

2. 取一盤子，加入高筋麵粉、栗粉、雞粉、鹽，加入清水攪拌均勻，然後加入麻油及青蔥拌勻

3. 起油鍋， 取三分之一粉漿倒入鍋中，兩面煎好，愛脆口的可煎多一會便可上碟了。

變化 :

以上是簡單的蔥餅做法，想豐富啲，可以加入雞蛋、栗米、吞拿魚、火腿粒、菜甫粒等等。

加蛋皮的作法 :

1. 先預備餅皮`

2. 雞蛋三隻，加入喜愛的材料 (今次加入了吞拿魚)

3. 再起油鍋，加入三分之一的蛋汁，煎至5成熟後鋪上一張餅皮，過一會再反轉另一面。

4. 反轉後煎一分鐘，卷起再煎一會便成。

素雞Pizza包

放假摷一摷雪櫃，找來一包素雞扒，做了這個 Pizza包 。

素雞扒有兩種款式，一款是有 "裹粉 BREADED"，外面包有麵包糠，放便用油炸。另一款是淨雞扒，各有各好味 ! 做包包梗係用淨雞扒好啲喇 ~ 不過我兩款都有存貨

用莫沙里拉芝士，今之又係在"新信興"購買，1 KG / $80，好抵 !

做法 :

餡料 : 洋蔥炒香，加入黑胡椒粉、素雞絲、pizza茄醬混合備用

1) 基本麵糰 - 第一次發酵完成之後，取 65克麵糰鋪好在已搽油的模具上，繼續發酵 45分鐘或2倍大。 之後用叉子拮孔。

2) 塗上 Pizza茄醬，鋪上芝士碎

3) 鋪上餡料

4) 最後再鋪上芝士碎

5) 焗爐預熱 200度，入爐 190-200度 x 16-18分鐘，

 

專業麵包製作

大眾書局又開始了會員大減價了，直到10月10日止，會員有八折，去了一趟，又有收獲....

「專業麵包製作 」

我在遊 BLOG 時很多時候都會見到 BLOG友話呢本書幾好，不過搵左好耐都唔見，原來已經斷貨，近日出左第三版，即刻拿來看看，裡面啲包熟口熟面....噢 ! 原來是工聯會麵包初班所學的課程....一模一樣呢......本著對麵包初班的情意結 (在這班我認識了好多同學，已經變成朋友)....一於買左佢返家先得 !

 

肉鬆包+豆沙包

再來弄包包，今次個麵糰又是跟孟老師的食譜，餡料方面 check 吓屋企有乜存貨先 ... 有肉鬆、沙律醬、自家製豆沙，好喇 ....一於每樣整3個，有咸有甜，想食乜野口味都有。

麵糰材料 :

高筋粉 250克，砂糖 25克，鹽 1/2小匙，酵母 3克，奶粉 10克，全蛋 15克，水 140克 

 

中種白吐司

又是來自於「孟老師的100道麵包」，估唔到今次好成功....頂角呀....

用中種做出來的麵包真係好軟熟。

A) 中種麵糰 : 高筋粉 220克，酵母 3克，水 130克

B) 主麵糰 : 高筋粉 60克，砂糖 15克，鹽 1/2 小匙，奶粉 10克，水 40克

C) 牛油 15克

做法 :

1. (A) 材料混合成糰 (搓均即可)，蓋上保鮮膜發酵90分鐘。

2. 將(A)+(B)全部混合，揉搓成稍具光滑狀。

3. 加入牛油，再搓成可拉出薄膜的光滑麵糰。放入容器蓋上保鮮膜發酵60分鐘

4. 麵糰(成品重將475克) 分成2等份，排氣、滾圓後蓋上保鮮膜鬆弛10分鐘。

5. 麵糰擀成長約20cm x 10 cm，輕輕捲成圓柱體，放入已掃油的吐司模內，蓋上蓋子，進行最後發酵約50分鐘，麵糰發至9分滿即可。

6. 放入烤箱190度焗約30分鐘，出爐後立即脫模。

 

煙肉栗米包

今日天氣真係好熱，全日留在家中休息，咁得閒梗係要整吓野食喇，睇吓屋企有乜存貨先.....有煙肉...有栗米....正好用來做包包的餡料。  再跟住「孟老師的100道麵包」裡的「培根麵包」食譜執齊材料開工做包包 !

很喜歡孟老師的食譜 ，份量剛好合我地一家三口食用，不用因份內過多吃不完。而且款式又多，最重要的是有隨書附送教學光碟，清楚地示範了製作過程，還有成品好壞比較，可以讓我們知道怎樣的效果才是正確。

麵糰材料 : 7個份量

高筋麵粉 250克    低筋麵粉 50克    砂糖 30克     鹽 1/4茶匙     奶粉 15克     酵母 3克     全蛋 30克    水 150克    牛油 20克 

配料 :

煙肉 7片       栗米 120克       芝士碎 100克       沙拉醬適量

做法 :

1) 將麵糰材料 (牛油除外) 全部放份攪拌缸攪拌成稍有光滑狀的麵糰，然後加入牛油攪成可拉出稍透明薄膜的麵糰。

2) 蓋上保鮮膜發酵約 80分鐘

3) 取出排氣，分成7等份 (約70克一個)，滾圓後蓋上保膜鬆弛約10分鐘。

4) 麵糰檊成長約20CM的橢圓形，放入烤盤，掃上蛋汁，放上一片煙肉，順序放上栗米、芝士碎，最後擠上沙拉醬，進行最彼發酵約25分鐘。

5) 放入已預熱焗爐，以190度 炸焗約15分鐘。