不用搓包包@Le Creuset

在孟夫人的日誌中看了這篇報導，很有趣，立即取材料照住做，今日用左 Le Crueset 去焗，出來的包包真是外脆內軟，蘸橄欖油及意大利醋一起吃，十分好味。

原文 ===> 在此

這次是用 22cm pan

材料 : 筋粉 300克，鹽 1/2茶匙，酵母 1/8茶匙，水 260 克

過程 :

 

五色蔬菜香蒜意大利麵

五色食物對身體有益，今日做左個意大利麵配五色蔬菜，顏色靚又好味，最梗要係食得健康 !

 

材料 : (3人份量)

青椒、紅椒、黃椒各半隻切絲，

鮮百合一個剝開一片片

鮮冬菇4隻切絲

蘆筍   1盒切段

蒜蓉   適量

乾意大利麵  300克

調味 : 岩鹽、黑胡椒粉、意大利雜香草、橄欖油、各少許

做法 :

1) 意大利麵用水烚軟，隔水盛起放入大碗，加入蒜蓉、意大利雜香草、橄欖油及岩鹽拌勻。

2) 開油鑊將蔬菜炒熟，加少許鹽及黑胡椒粉調味，然後放入大碗與意大利麵拌勻即可上碟享用。

**************************************************************

五色食物 

色彩繽紛，五顏六色的食物，不但能刺激我們的食慾，原來在營養學角度，顏色愈鮮艷，愈深色的五色食物，營養價值也愈高，因為這類食物一般含有較多的抗氧化素，可對抗自由基，另外對防癌及保護心臟也有很大的幫助。我們可以將食物分為五種顏色，分別是綠、紅、黃、白、黑，蔬菜、水果、肉類皆可。每日攝取齊此五色食物，可有效增強我們的抵抗力。

每種顏色食物對我們身體都有不同功效，五色食物大致可細分如下：

綠色食物

例子：    菠菜、青椒、芥蘭、西蘭花等

功效：    深綠色食物如菠菜含有豐富的鐵質及鈣質。另綠色食物亦含有胡蘿蔔素及黃體素，胡蘿蔔素是天然的抗氧化劑，可分解有害的自由基，另有助視力及防前列腺癌；黃體素有助眼部健康。 綠葉當中的葉酸可預防心臟病及促進新陳代謝。如菠菜和青豆等含有葉綠素和葉黃素，有助加速腸道蠕動，防止便秘。而越深綠的蔬菜，含鐵質及葉酸量亦越高。

紅色食物

例子：    紅蘿蔔、蕃茄、西瓜、紅椒、西柚、紅提子

功效：    紅色食物含胡蘿蔔素、維他命C及茄紅素。可延緩衰老，保護心血管。且含有豐富的胡蘿蔔素，有助於視力及皮膚黏膜的健康。維他命C能增強免疫力，幫助吸收鐵質；茄紅素是抗氧化劑，更可防癌。

黃色食物

例子：    粟米、南瓜、番薯、黃椒、木瓜、芒果

功效：    黃色食物含有胡蘿蔔素、黃體素和玉米黃質。當中含有的β－胡蘿蔔素具有很強的抗癌效果，亦能提升人體免疫力；玉米黃質屬親水性，可進入眼部的視網膜及黃斑部中，維持健康的視力。有助眼球晶體及視網的健康，能預防白內障及黃斑病變。

白色食物

例子：    白蘿蔔、奶、黃豆、蒜頭和洋蔥

功效：    白色食物含效多的水溶性纖維，有助預防心血管疾病及降低膽固醇；蒜頭則含豐富的蒜素，有殺菌及抗病毒功能。

黑色食物

例子：    菇菌類、木耳、黑芝麻、紫菜、黑雲耳、黑米、海藻菇

功效：    黑色食物含有豐富的纖維，亦含多醣體，可增強免疫力及防癌。黑芝麻含豐富維他命E，有很強的抗氧化功效。有防癌作用。黑芝麻含豐富維他命E，有很強的抗氧化功效。而海藻有鐵質、鈣及鉀，能預防大頸泡。其它如紫藍色的食物，藍莓和葡萄等，則有預防心血管病與癌症的花青素。

瑞芳。菁桐。平溪。十分 (1)

4月3日。 第二天六時半起床，梳洗完畢便出發去台北火車站，原本想搭 7:40分火車去瑞芳，點知原來是開 7:30分才對，去到車站買左飛，落到月台剛剛 7:30分，睇住火車開走左，送車尾，站頭職員指示我地要等到 8:24分才有另一班車去瑞芳，唯有坐底等吓喇

8:20分，火車入站，上車喇....出發 !

我地今次除了上網搵資料外，還看了不少 "食尚玩家" 取經，所以會跟佢提供的行程由尾玩上來，即係話由尾站菁桐開始遊玩。

9:26分到達瑞芳火車站，即刻出站睇下菁桐小火車時間表，點知又是剛剛開走左，如果我地之前趕到 7:30分台北的火車，咁就可以順利坐到 9:20分由瑞芳開去菁桐的小火車。 依家要等下一班小火車是開 10:10。

火車站正門及月台都可以買到 "一日票"，可以一天內不限次數上落瑞芳至菁桐各站，NT54 一張，建議如有時間可以出去正門買票，因為月台太多人，有排排。

月台.....好多人

跟呢個路牌方向可以出去火車站正門 (往九份、金瓜石) 。

出面有巴士去九份、金瓜石、基隆，重有些小店可以買早餐食。

還有40分鐘才上車，出去望下有乜野食，在附近小店買左蔥餅加蛋，NT 20，溫豆漿 NT 15，2人早餐用了 NT 55。 呢個蔥餅熱辣辣，又煙勒，唔錯 ~

火車到站喇，向菁桐出發 ~

車上有人帶同寵物一起去遊玩，如果香港的交通工具也可以讓貓狗一起乘車就好喇 !!

 

台北第一天．等完又等...

2010年4月2日，復活節假期的第一天，亦是我地台北4日3夜之旅的開始。

早上九時我地出發去機場，今次是搭中華航空 CI606，12:45分起飛，去到櫃位見到好多人排隊寄行李，幸好我地早在網上劃好座位，而航空公司將團體和網上訂票分開了兩邊不同的櫃位 Check-in，我地係網路登記的人龍也只有十多人排隊，好快就寄左行李。

我地用左 "自助登記" 辦理 Check in，只要揀好地點及航次，按指示將護照放入去 scan，佢就會出登機證，拿住登機證才可以去寄行李。

寄完行李便去第二航廈的 "潮樓" 飲茶，中途見到白兔先生同遊客影相。

飲完茶行左一陣，12:15分去到閘口，諗住好快可以上機，點知航班 delay，一等再等...結果 2:15分才起飛，遲左2個小時。

1小時15分鐘的航程，3:30 pm 抵達台北桃園機場，立即坐飛狗出市區，我地選擇坐飛狗是因為佢可以送到我地去酒店門口...........今次住西門町的函舍商務酒店。

點知事與願違，行左一半車程，司機停車要所有人下車，指向另一架巴士，要我地轉車，但係當時架接駁巴士已經企滿人和行李，好不容易才迫上去，真係好似沙甸魚一樣，但更離譜的是他們仍不肯開車，等了不久又有另一架巴士到站，司機又不斷催促人上車，真係好迫...好迫，心中已經充滿怒火的我又可以點?????

結果到酒店時已經係6時半，原先計劃好的行程也被打亂，又餓又倦，即刻出去醫肚先。

在西門町搵食一啲都唔難，我地9秒9入左一間意大利粉餐廳  "Here Pasta 洋食館"，我點左 "焗奶油肉醬意粉"，Honey 點左 "焗奶油牛肉意粉"，飲品半價，唔知係唔係太餓，呢餐非常好味...好滿足 ! 2個餐成為 NT 540。

好騎呢的台墊.......(請細看下面的字)

受朋友所托要買台灣出品的咖啡豆，第一站去左 「也門町」。 台北四處都是咖啡店，有空可以入去飲番杯.....

好多唔同品種的咖啡豆及用品

好大部炒咖啡豆機

水晶能量水，可隨便飲用，每一種水晶都會釋放不同的能量。

行經西門町外一窗廚....有隻英短係度洗身....

買完咖啡豆便到24小時誠品信義店打書釘，今次收獲好豐富，買了很多食譜，

之後返酒店休息，樓下便是7-11，睇下有乜新野先.....今次揀左雞蛋布甸

呢個最好味 ! 有雞蛋味又有焦糖味，正 !!!  NT 25

呢個麻麻，好嚡口 !  NT 30

是日行程完畢，好好休息，明天出發去瑞芳 ~~