作反三隻貓!

當我每天忙於在廳中做餅的時候，三隻臭豬做梗乜呢?

今日靜靜雞查探一下.........

  完全攻陷了我張床 ! ! !  太過份喇 !  

碧碧 ~ 神氣

希希 ~ 豎起耳仔收下風先

細細 ~  整古做怪，動作多多

 

又來陳枝記貓貓

每次去陳枝記，都會和貓貓玩樂，原來佢地有兩隻貓貓嫁 ~

一隻豹紋，另一隻是蝴蝶紋

有時叔叔會比草佢食，真係細心，你睇佢幾開心 ~

 

 

初步入選左喇~

Honey 今日生日 ~~ 祝你生日快樂，今日收到皇室堡通知，Honey 入選左，可以係4月30日去參加抽獎，好開心呀! 預祝你中大獎 !   

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

全新皇室堡 「派錢」派對
April．2011
⋯⋯
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

2011.4.30

今日去左玩遊戲，不過入唔到第二關，所以只係攞左獎品就走喇~

 

我為"梅"狂!

自去年學識左浸梅酒後，今年初已不停在街市尋找青梅的蹤跡，因為一年之中只在清明節前後 (四月) 才有青梅上市，過了便要等一年。 

又因為去年初嘗試，浸得少，不夠飲，正所謂「今年浸酒明年嚐」，今年決定要浸多幾瓶。  於是日日去街市找找找，初初又貴又有花點，後來越買越靚，真係完全忍唔到手，買完又買，有點失控 ~    

今年浸左幾種酒 :  雙蒸、三蒸、高粱、伏特加、哥頓 Gin酒，V.S.O.P.干邑

味道亦有幾種     :  冰糖、黑糖、蜂蜜，

今年亦攪攪新意 :  梅醋、咸酸梅，

青梅處理方法     :  熱水燙熟梅子、原粒浸青梅、自然成熟梅子，

自己寫完都覺得瘋狂 ! !      

雙蒸 ~ 未下糖。