近日買了一本新書 ~ 「彩繪．蛋糕卷」，原昨日文版作者是純子小姐，台灣版是由陳美齡翻譯 (唔知係唔係香港的陳美齡呢? 
沉迷上畫花，雖然未掌握到家，仍然是醜醜陋陋，不過味道很好，蛋糕體十分鬆軟，難得老公鐘意帶返公司做早餐，所以晚晚整都唔怕，多啲練習先得 ~
跟書做的第一個蛋糕 ~ 畫心心 ~ 心形都有七成似，不過蛋糕體攪拌不勻，有氣泡，形成表面有許多大孔，下次要改善。
第二次一口氣做了兩款 ~ 豹紋 + 方格子 ~ 蛋糕體仍是有氣泡，激死 !
呢個係畫花第一步 ~ 格仔
豹紋
星期日又做了骷髏骨頭 & 圓點斜條子，開始似樣喇 ~
沒有太多的氣孔，9成9完美蛋糕體 
作者 JUNKO 剛出了第二本彩繪 ~ 動物篇，好期待快啲出中文版
睇左VEDIO, 可以上YOUTUBE一齊學。
彩繪示範短片 : 鬆弛熊蛋糕卷
彩繪蛋糕卷網誌 : Junko部落格 ~ 作者 : 純子
炎炎夏日，對住個煮食爐熱辣辣，要揀啲快熟易煮的菜色，今次用最簡單的方法煮左栗米魚塊，BB餸有汁撈飯我最鍾意 ~ 用LC鍋子，原鍋上飯枱，又可以洗少隻碟，超懶 !!
材料 :
龍利魚柳一塊、粟米蓉一罐
做法 :
魚柳洗淨，抹乾水份，切粒，加入少許鹽、油、雞粉、生粉撈勻，粟米蓉加1/3罐水一同一鑊煮滾，然後下魚塊煮熟便完成，十分鐘上桌，正宗懶人菜色...哈哈 !
又去四圍試食，今次去了油麻地食牛腩。
前後食了兩次，第一次下午2 時去到，店主極力推介牛腩 ~ 有崩沙腩、爽腩、坑腩。 我地點左雙併 ~ 崩沙腩+爽腩 ~ 一隻牛只有幾斤，好快賣晒，我地叫的時候崩沙腩是最後一份，慢啲落單都無喇 ~ 依各人喜好牛腩可以揀肥，半肥瘦，剩瘦。
下面鋪了白蘿蔔，吸收了牛腩湯，超腍，超入味。
崩沙腩好腍，爽腩有少少筋，硬硬地，不是太多肉，不過都好好味。
雲吞是落單才煮，不是一般預先弄熟再翻熱，雲吞皮很軟滑，肉餡有加入蝦子及大地魚粉，味道濃，正 !
第二次去是吃巴基斯坦咖哩，老公揀左咖哩牛腩飯，我揀左下午茶餐有咖哩牛脷飯，可以揀大、中、小辣，牛腩一樣可以揀肥、瘦。
牛脷好腍，無"so"味，咖哩汁入面有好多炆到軟軟的洋蔥，不是水汪汪的打芡汁，份量不少，看見鄰近的枱都order 多一碟白飯，就知個咖哩汁幾好味。
牛腩揀左半肥瘦，是坑腩，十分腍，唔怪得咁多人order 喇~
旺角砵蘭街37號地下，油麻地鐵路站B出口。
好熱呀 ! 昨天是小暑，好熱，唔想煮飯，好想食啲涼快的食物，想起上個月午飯時睇到電視教整 "涼拌雞絲粉皮"，於是就照辦煮碗跟住做。 晚飯時亞囡見到即刻話 "正"，當涼麵食，唔駛熱辣辣 ~
材料 :
現成鹽焗雞半隻，雞肉撕成一條條 (亦可用雞脾肉)
青瓜一個，去皮，切絲
粉皮一包 400克
芝麻沙麻醬、芝麻、雞粉、麻油
冰塊一杯 (放入大碗備用)
粉皮 (水晶卷) 在大型超市有售，我是在吉之島買的。
做法 :
1. 水晶卷切粒，約四份三吋闊。
2. 燒熱水，下2茶匙雞粉，放入粉皮，
3. 用筷子輕輕攪動，約一分半鐘，至全部透明，
4. 隔去水份，隨即倒入已放冰塊的大碗內弄涼，所有冰塊溶掉後再次隔去水份，
5. 粉皮放在碟子上，下2茶匙麻油撈勻，
6. 鋪上一半份量的雞絲，淋上芝麻沙律醬，四邊鋪上青瓜絲，
7. 將餘下的雞絲鋪滿碟，再淋上芝麻醬，灑上芝麻便完成。
昨晚收到舊同事來電，說公司要由搬，由大 office 搬去細office，公司唔掂已經炒了很多人，由我三年多前的30幾人，炒到我走只有10多人，我對呢間公司的人沒有感覺，咁多年未加個人工，不停裁員，cut 晒醫療，睇醫生要先己比錢，cut 埋病假，一係自己扣大假，一係扣人工，除非你好彩醫生寫連續四天病假比你，你先可以 claim 4/5人工。 呢度都沒有很多生意，只是不斷借銀行貸款、中小企貸款來渡日，十個煲七個蓋，預左會被佢裁員。
佢地對員工克薄不再話下，過時過節好似做到足，有利是、有月餅、年終有一餐食下，不過事實是......初四開工，無比開工利是，兩個老細結左婚，都唔派利是比員工，要返左一個星期，去到初十二、十三先派開工利是，日日坐係度無野做，收佢封開工利是好似要丐一樣。
月餅一樣，收左人家送來的月餅卷，又唔分比我地，一盒都不換比大家食，以前我在其他公司會換幾盒放係pantry 比同事分來食，呢度就唔會喇!! 我眼見20幾張月餅卷快要變廢紙，都唔知佢收埋來重乜，直到八月十三，美心月餅到期喇，個白痴先自己話 : 「乜月餅卷唔可以明年用咩?」，佢都有病....自己keep 晒d月餅卷又唔睇，結左婚都咁白痴....一啲日常生活知識都無!! 到期日才叫外勤伯伯去攞餅，又要限住佢一個上午去攞晒20幾盒不同餅店的月餅，佢都痴線嫁....叫個亞伯一個人點攞 !!! 雖然事後各同事分左一盒月餅，仍還有十盒剩了，但係佢又唔分埋比我地，結果過完中秋一星期仍然放埋一邊棄了....浪費 !!! 以前在另一間公司我會收集剩下的月餅送去比教會派比有需要的人，讓低收入的人也有月餅過節，咁自私的人，自己食唔晒都唔分比人，抵佢無生意 !
唉...講返正題，話說係呢間公司唯一令我開心的便是養了兩隻貓貓，悶悶地可以望下佢地都幾好。不過其實兩隻貓一點也不幸福，佢地的主人只是用公司錢買貓糧、貓砂，只是給牠食，但沒有給牠 "愛"，從來唔會見佢抱貓貓，許多時大貓跳上桌面，她會打內線叫人抱走佢。年多前她又養多了一隻小貓，2個多月大由我和亞姐一齊將佢湊大，"豆沙" 是我給牠起的名字，我地比幾多愛心，豆沙好有人性，每天一開門會走來 "喵喵" 叫人，去完玩返來瞓覺，唔會攪攪鎮，其實佢好痴人，但放工後 office 無人，長假期更甚，大貓不喜歡豆沙，所以佢其實好寂寞。
話說下個月佢地要搬公司，由7000尺搬去細啲的office (未知有幾大)，老細話養唔到2隻貓，只可養一隻，決定要大唔要細.....我聽到真係好嬲，根本搬幾大地方都無問題，你養得一隻，點解唔可以養埋佢，主要原因就是她根本未有付出 "愛"，一個小生命可以隨時話要唔要就唔要 !!!
