2012-03-18 城門-川龍

近年開始學行山, 由容易行的路段開始, 今次與老公的舊同事一起行荃灣城門水塘至川龍一段路,
沿途大家有傾有講, 又影下相, 我呢個初哥只用手機拍攝, 學下人影花, 都幾好玩, 又開心, 影到靚相又可即時同朋友分享,

原本2小時多的路程, 因為影相而行了3個半小時, 今天天氣很熱, 3月18日居然有28度, 真係熱到暈,
不過始終是春天, 大自然的花及樹開始活動, 沿途都飄來樹葉的香味, 令人好舒服~

梅菜扣肉@Le Creuset

買左新鍋24小時, 今日攞出來放上電磁爐上, 白色鍋撞黑色爐...靚到爆燈 ~ ,
Sukyaki pot 較矮身,  闊度與碟子差不多, 我買的是24cm, 直接上桌會較易夾餸.

今次開鍋整 "梅菜扣肉", 我是用冰鮮的腩肉, 因為炆餸時間較長, 味度較濃, 用冰鮮肉不影響食味. 

材料:
五花腩肉 1斤 (冰鮮只需$32/斤)
甜梅菜 3棵 (約250克 / 未夠半斤) 
冰糖 40克
老抽/生抽 各3湯匙

做法:
1) 腩肉先汆水，切大件, 梅菜洗乾淨, 切粒

2) 白鑊炒香梅菜粒, 炒至乾身後可加入少許生油炒一會,

3) 放入腩肉, 加熱水蓋至食物表面, 加入冰糖、生抽及老抽各2湯匙,

4) 蓋上鍋蓋, 用小火炆煮90分鐘, 中途要翻2-3次,

5) 上桌喇~

Le Creuset 2012-3-13開倉日

好攰呀~

今日去左襯墟，是Le Creuset 開倉日，上午10時去到尖沙咀，上到3樓，才知道已有很多人排隊，沿著樓梯向下走，結果走到地面，嘩~ 足足三層樓長的人龍，之後還不斷有人下來排隊，我也不知龍尾去到幾遠，幸好是在室內，不用受風吹雨打，大部份排隊的都是日本女仕啊~佢地真係LC的忠實FANS~

我先在會場快步行一圈，一圈之後，原先滿滿的架子已立即被掃一空....勁呀!



哈哈~ 今次的戰利品~

紫色 24CM X 24CM SQUARE GRILL

加勒比海藍  31CM OVAL GRILL

白色  24CM SUKYAKI POT, 矮身些, 用來上桌夾食物更方便!

 

不同顏色的SPATULA SPOON, 抵買又抵用!

今日還在場識了新朋友，又傾又講，好快便過了5小時，大家都拿了十件八件貨品，心大心細，又想買，又怕拿不到回家(因為太重了)，但最後每個人都將所有戰利品付款， 左右手各拿起大袋細袋回家去，女人的能力真是不可思議!

警隊六小褔

上星期六去了會展參觀「升學及職業展覽」，最吸引我的竟是擺放在警務處的「六小褔」，好想帶晒佢地返屋企呀 ~

急凍菲律賓東星班

早前過節，超市多了很多急凍菲律賓東星班，Sales姐姐極力推銷，買了一條回家試試。
食後感 : 腥味少，可接受，魚肉可能經過了雪藏，部份水份流失，肉質較實，不像新鮮的那麼滑。
做節的話....還是要去街市買一條新鮮的來上桌吧~


身長有一對筷子的長度，早一天已從冰箱取出放在雪櫃入解凍。

只需$36.10，306克即是9兩重，適合2-3人家庭。

解凍後一看，全條魚已去鱗、去腸及去鰓，十分乾淨，只需用清水洗淨便可。

因為是急凍魚，在雪櫃解凍後，魚身仍在4度以下，所以必須要在烹煮前2小時從雪櫃取出，回復室溫，才開始蒸煮。
蒸魚時間9分鐘

蒸好後再灒上熟油及香蔥。

雪耳木瓜糖水

天氣忽冷忽熱，喉嚨痕，又有咳，簡單的煲一煲「雪耳木瓜糖水」，清潤通便，食左人都靚啲~

Le Creuset Mini Heart Ramekins

星期四晚收到確認信，我同Honey都有入email apply, FINAL PRICE $208，星期日即刻過去中環旗艦店換購。

講開又講，去年6月份參加了LC的網上烹飪比賽，
參選菜式 : 「沙薑熅雞」;
安慰獎是$100的LC禮劵，可惜又是要親自去中環取，車錢都幾十元，所以沒有去取。
今次多口問下職員是否仍有Keep住啲獎品，哈哈~ 居然係....有喎!

正當滿心歡喜之際，反轉一看.....噢! 過了期! (剛過了5天期)，得物無所用，不過本身都不存期望可取回獎品，就當留為一個紀念吧!!