燒三文魚頭@光波爐

光波爐預熱3分鐘，置高架 + 煎碟，先燒魚頭內部 230度 X 10分鐘，反轉魚頭正面 220度 X 5分鐘

如不想太油膩，可不加煎碟，讓油份向下滴走

鐵板鰻魚炒飯

早陣子掀起了一陣鐵板炒飯熱潮，雜誌又有大家樂 & PEPPER LUNCH 2間食店大比併，我地鐘意正牌貨 PEPPER LUNCH，才 $38 已有一個餐加汽水，反之大家樂呢個A貨要 $41.50 一個餐，味道普通。

但係要去 PEPPER LUNCH就要出旺角，有時真係唔想行，於是去左吉吉島，買左一條大鰻魚 $49.90，加埋配菜，返屋企玩 "鐵板炒飯"  

呢個係正貨鰻魚炒飯 ~

下面係自家鰻魚炒飯 ~

是晚準備好所有材料，同囡囡一齊玩炒炒下，食得飽飽之餘又開心

沙翁大製作

第八堂學左整沙翁，實在太好味喇，另人念念不忘。  由於在堂上全部過 程都係由 老師示範，我地只係負責轆砂糖，唔得…..一定要整返一次，實行一次大製作！

其實之前已經買一本食譜，裡面都有教做蛋糊，但係當時睇唔明，而且好似好多步驟，所以我先決定去學整餅，經過十個星期的操練，而家已經能夠掌握好多技巧，以前睇書唔明白的地方，而家已經難唔到我喇，不過今次整沙翁都要睇住 note & 食譜的步驟先做到，我有個希望，就係可以做到唔睇譜都做得到，就好似平日煮餸咁，Easy Job ！

【材料】  

低筋麵粉       150克 (過篩備用)

牛奶              100克 (用紙包奶已OK)

水                 100克

牛油              100克

全蛋              4隻

砂糖              適量 (黏在沙翁外圍用)

~以上材料可做11-12個網球size大的沙翁

~貓紙 (可以不加 )

 

 

【做法】

1)      牛奶、水、牛油放入鍋子內加熱至牛油溶化。

2)      牛油溶化後，繼續煲至大滾，一口氣將麵粉全部倒入鍋內，用木匙快手攪勻直至不見白色麵粉粒，離火，再攪拌至薯茸狀。

3)      蛋糊待涼至70度左右，加入一隻雞蛋攪拌均勻 (可用棍手攪或攪拌器)，然後逐隻加入攪拌直至混合成軟糊狀，此步驟要十分鐘內完成。

4)      燒熱油溫 170度，炸至金黃色及爆開。

5)      待涼後黏上砂糖即成為美味的沙翁。

櫻花蝦 vs 上海蝦皮

琴日去左十蚊店 shopping，見到呢包東東 ..........

日文寫 : 「櫻花蝦」，好明顯佢呢包就係我平日煮送用的 「上海蝦皮」喇。

嘩嘩嘩~ 呢包東東係十蚊店要用 $12 蚊先買到，只有2-3湯匙份量，比起我買的上海蝦皮真係貴好多好多倍。

睇下 ~ d蝦仔一樣 size 嫁.....

日本人鐘意將佢酒在豆腐、燒餅上面食，我就鐘意用佢煮勝瓜 & 煎蛋，好好味嫁。

小美人

 細細小時候係一個小美人 

蒜茸麵包香@光波爐

整左「芝麻方包」，有咁多點食法好呢? 蒜茸包都唔錯，今次用光波去焗佢先。

 

 

材料 :

方包        切片

牛油        2-3湯匙

蒜茸        2茶匙       

意大利雜香草   1茶匙

Permesan herb   適量

 

1)      將牛油、蒜茸及意大利雜香草混合，搽在麵包上

2)      包面酒上Permesan herb (或芝士碎)

3)      光波爐預熱3分鐘，按「薄餅」鍵，好快有得食。

第一個學整的麵包~芝麻方包

這個是在工聯會第一個學整的麵包，是咸軟方包，我在包面加上了芝麻，咁就可以叫做 「芝麻方包」喇。

 

 

材料 :

根粉 250克

鹽     5克

糖    15克

奶粉   3克

牛油  25克

依士   6克

暖水 180克

(麵糰搓好後重 456克)

 

 

做法 :

1.      根粉、糖、依士暖水加入鹽及牛油放盆裡

2.      將所有材料用手搓至有筋性及不黏手

3.      將搓好麵糰放在溫暖的地方發酵約35分鐘

4.      排氣，待10分鐘

5.      然後分割麵團4份，做好形狀放入已掃油的焗盆，蓋上保鮮膜

6.      最後發酵約30分鐘或2倍

7.      掃上蛋液及酒上芝麻

8.      然後放入已預熱的焗爐用180度約焗25分鐘

 

以上是直接法，與麵包書的程序略有不同，但不影響食味，最重要是那份成功感的喜悅