問過安記門市的姐姐,此湯味道香濃,開罐後可以加一小碗水一起加熱,佢地話湯水份量可以有3-4人飲用。
招紙上寫明有原隻雞、有魚翅,夠竟隻雞有幾大隻呢??
魚翅有80克,好....註明清楚,願者上釣....哈哈哈!!
開罐一看,只有九成滿,湯面有很多油,但雞湯味非常香濃,
分開左湯和料,裡面真係有一隻雞、魚翅、火腿粒、元貝粒,果然真材實料!
夠竟隻雞有幾大隻.....揭開比大家知喇~
其實是一隻春雞,SIZE比手掌心大少少,大家可以睇下下面的實物對比,
我諗呢隻春雞十多日大吧.....法國春雞也是差不多SIZE呢~
加熱之後湯味非常香濃,原罐飲用比較咸,我加左一飯碗水,湯味啱啱好。
魚翅是一梳梳的,沒有散開,很軟滑,味道不錯,不過一罐價錢就貴左啲,試左一次就算囉~