問過安記門市的姐姐，此湯味道香濃，開罐後可以加一小碗水一起加熱，佢地話湯水份量可以有3-4人飲用。
招紙上寫明有原隻雞、有魚翅，夠竟隻雞有幾大隻呢??
魚翅有80克，好....註明清楚，願者上釣....哈哈哈!!
開罐一看，只有九成滿，湯面有很多油，但雞湯味非常香濃，
分開左湯和料，裡面真係有一隻雞、魚翅、火腿粒、元貝粒，果然真材實料!
夠竟隻雞有幾大隻.....揭開比大家知喇~
其實是一隻春雞，SIZE比手掌心大少少，大家可以睇下下面的實物對比，
我諗呢隻春雞十多日大吧.....法國春雞也是差不多SIZE呢~
加熱之後湯味非常香濃，原罐飲用比較咸，我加左一飯碗水，湯味啱啱好。
魚翅是一梳梳的，沒有散開，很軟滑，味道不錯，不過一罐價錢就貴左啲，試左一次就算囉~
要幾銀一罐~ $150? 真係同相差唔多~d 湯好濃~
回覆刪除另外, 你有無去家興入貨呀!
[版主回覆11/02/2011 23:20:28]我地可以星期日去家興睇下, 不過去左濕地公園行一轉先, 因為全年証快到期。 呢罐野安記要$238, 非一般人可接受...廣東人都係鐘意自己煲湯多d。
唔記得問一問你tim, 你家貓貓用咩貓砂, 我一直想找一些係會結埋一舊的貓砂, 而家用緊隻木砂, 係結埋一舊個陣, 一筆就散~仲有一袋就來用完, 想轉~
回覆刪除另外, 將會來近去元朗pet line 買貓糧, 你上次同我講係唔係近馬會附近個間?
[版主回覆11/05/2011 23:49:00]我家貓貓用BEST CAT 貓砂, 是木砂, 結實程度可接受, 不過就幾碎, 貓貓腳仔成日帶砂上床, 不過佢好處係無易味, 就是夏天咁熱都唔會有臭味, 試過用豆腐砂, 幾日就有臭味, 成盤倒晒, 重貴左添, 我都是去元朗訂貓糧, 不過可以打電話都得, 1袋$280/18磅, 是天然糧, 屯門區一袋都可以送, 唔使自己拎, 都幾方便, 不過你只有一隻貓, 18磅有排食。
好正，不過真係幾貴
回覆刪除我都想買番來試! 呢個價錢來講, 都幾足料
回覆刪除[版主回覆11/23/2011 23:32:09]有同事買左, 用來做湯飯, 兩公婆食啱啱好, 又好味, 你都可以試下。不過有時買袋裝韓國人參雞都只係幾十蚊, 相比起來呢罐翅湯真係好貴。