粒粒麵包炸蝦丸(炸蝦棗)

 

星期六、日唔使返工，通常都會在家中整早餐，有時會煮通粉，有時會整三文治。

早前星期日整了火腿蛋治做早餐，剩了很多麵包皮，依家生活講求環保，減少廚餘也是支持環保的一個好方法。 為了不要浪費食物，也要動動腦筋如何烹調麵包皮?  


當日下午去了吉吉島超市，見到有蝦滑及墨魚滑，靈機一觸想到「流心芝士蝦丸」，可以用麵包粒代替麵包糠來做外皮。 

返到屋企準備開工之際，發覺唔記得買芝士，唯有留待下次才加芝士喇!

材料 : 超市買來的手打蝦滑、手打墨魚滑、麵包皮 (或隔夜方包片都得)

一盒200克的蝦滑可以做9-10粒蝦丸 

1. 麵包皮切成小丁方

2. 預備一隻湯匙，半碗水，水是用來防黏手用的，

3. 手及湯匙沾上水，用湯匙取適量蝦滑弄成球形，(兩溝墨魚+蝦都得)，

4. 沾上麵包粒，

5. 用手略按扁蝦丸，較易炸熟，

6. 用小鍋燒熱油，用中火將蝦丸炸熟，

7. 吃時可以蘸上泰式甜辣醬，增添美味!