細細個嘅時候,逢星期日都會去飲茶,有一樣點心我自己一定要取來吃的~便是煎蘿蔔糕!
農曆年初一家中一定有佢,我想每一戶人家都有自家的秘方。我家媽媽亦唔例外,但她只要是給了一句口訣:「七斤蘿蔔一斤粉」。每次用呢條秘方都整成兩大盤糕出來,家中人少久久吃不完。
元旦日我去了吉吉島超市買咗一棵日本大根,足足有二斤重,計一計算比例,決定用來整一底細細的蘿蔔糕。
出來的成品 ~ 7"
材料:
日本大根或白蘿蔔 二斤
臘腸 一條
臘肉 一小段 (約四寸)
蝦米 一湯匙
即食瑤柱絲 一湯匙
鹽 半茶匙
胡椒粉 適量
雞粉 一茶匙
粘米粉 180克
做法:
1. 白蘿蔔去皮刨絲,蘿蔔水要留起,蝦米浸軟切粒、臘腸、臘肉切粒,
2. 燒熱油鑊,爆香蝦米/臘腸/臘肉,盛起,
3. 將蘿蔔絲及蘿蔔水加入油鑊煮滾,加入少許胡椒粉及雞粉,蓋上鑊蓋煮約10分鐘,此時蘿蔔變得軟身及透明,有很多水份,便可加入蝦米/臘腸/臘肉/即食瑤柱絲拌勻, 此時可下少許鹽調味,留意不要下太多鹽,因為臘味會有咸味。熄火。
4. 加入粘米粉攪拌至不見粉末,全部放入蒸盤內,隔水蒸45分鐘便完成。
沒有留言:
張貼留言