潤腸排骨煲仔飯@Le Creuset

今日突然凍了好多, 氣溫一下子降了6-7度, 整天又下雨, 天文台又話明天更會跌至14度, 這麼凍的天氣, 最好來一煲熱辣辣的煲仔飯。

要煲一煲靚的煲仔飯, 當然是有少少飯焦、飯軟焦香的~ 其實不一定要明火及瓦煲才可有飯焦較果, 用電磁爐加上LC鍋,  只要時間掌握得好, 一樣可以有同樣較果。

2人煲仔飯份量, 用Le Creuset 18cm鍋

材料:
排骨 1條 (最好揀無骨的, 以免吃到碎骨)
潤腸 2條 (鵝肝腸最好吃, 臘腸也好吃, 各一也可以)
米 130克
熱水 130克
(以上是兩碗飯的份量, 如果老公大食, 可以加多少少米, 水/米比例是 1:1)

1. 先將排骨用醃料調味
2. 米洗淨, 可以放置半小時, 待米先吸收水份, 煮起來比教易熟
3. 將熱水及米加入鍋中, 開電磁爐至中火, 米水加熱, 一邊用筷子將米攪鬆, 直至米水開始有點杰身, 收乾 (需時約幾分鐘)

4. 將潤腸、排骨排好在飯面, 不要重疊 (2人份量用18cm 剛剛好)

5. 蓋上鍋蓋, 電磁爐調至4度 (500W), 時間15分鐘; 熄火後再焗5分鐘 (全程不用揭蓋, 以免傳熱不足)

6. 看! 飯熟了, 餸也熟了, 傳來陣陣香味~ 再加點煲仔飯豉油.....熱辣辣的煲仔飯出爐喇~~

7. 有飯焦ga~ 一點也不乾硬, 帶軟身, 又有焦香, 好正呀~

8. 食晒, 無黏底。

ps: 如果無電磁爐, 用明火也可以, 但明火會集中火力在鍋子中間位置, 想火力平均, 可以加一塊金屬導熱板在煤氣爐上, 才放上鍋子, 將熱力分散, 一樣可以有好的較果。