小學的時侯,吉百利有一種排裝朱古力,印象中好似叫 "吉百利滴滴金朱古力"。
是一層薄朱古力裡面包住金黃色的脆脆糖,唔係麥提莎,因為麥提莎裡面係麥芽味脆脆,而滴滴金應是焦糖脆脆。
早前學了整美心的焦糖脆脆天使蛋糕,當中的焦糖脆糖領我想起了小時候的滴滴金朱古力,一於動手整朱古力~
你睇吓幾靚,重好好味添,濃濃的焦糖味與朱古力一起在口中溶化,個中滋味你想唔想試 ?
材料 :
砂糖 100克
粟膠 25克
清水 25克
梳打粉 5克
朱古力磚 200克
牛油紙一張
做法 :
1. 將糖、粟膠、水煮至起泡至少許金黃色
(不要完全變成焦黃,微黃便可,如果唔係出來的糖會好深色)
2. 梳打粉過篩,加入糖漿拌勻,然後快手倒在牛油紙上放涼
3. 將朱古力磚坐熱水坐溶,將已凝固的焦糖切成丁方形,每粒包上朱古力,再放回在牛油紙上待朱古力乾透。
4. 完成喇
沒有留言:
張貼留言