薑汁撞奶 (更新)

天氣凍，想食熱辣辣的甜品暖暖身 ~ 想起油麻地葫蘆館的薑汁撞奶。

一於自己動手整「薑汁撞奶」! 跟住步驟整一啲都唔難 !

材料 :  (一碗份量)

老薑汁    1.5 至 2湯匙 (隨個人喜好，不過唔好少過 1.5湯匙)

砂糖        1湯匙 (甜度隨個人喜好)

鮮奶        230 ml (份量等於一盒屋仔奶)

用薑磨或攪拌器打薑汁，隔去薑渣，只用薑汁，老薑會有白色的沈澱物，呢樣令到牛奶凝固的物質，所以唔好用子薑。

做法 :

1. 將薑汁放入碗內

2. 加熱牛奶，可以用火煲熱牛奶至起蝦眼便熄火，不要滾起；或是用微波爐加熱，留意要預大啲的容器裝牛奶，因為好易滾瀉。

將牛奶加熱至77度以上，但不可滾起。 以750W 火力的微波爐計算，雪櫃出來的凍牛奶用了2分50秒，室溫牛奶用了1分50秒，

**3月18日更新 ---煲滾的奶，都可以撞出滑滑的奶，不一定要降至 77度，熱啲都得

3. 熱奶加熱後可加入砂糖攪勻，

4. 撞奶最好的溫度是 77度，如無溫度計，可以用另一容器左右交換倒奶 (好似拉茶咁) 約拉十下。

5. 此時攪動碗內薑汁，要將沈澱物攪起，加入一湯匙熱奶快手混合，

6. 將餘下入牛奶從高處撞入碗內，不要攪動，靜止 3分鐘，

6. 凝固喇 ! 放隻匙上去都唔會沈下去，好成功 !

小貼士 :

**鮮奶要用全脂奶或鮮牛奶，不要用低脂奶，我第一次整的時候用維他高鈣低脂奶，凝固唔到，睇下佢的成份來是水+固體劑，沒有牛奶在裡面呢!**