芝士焗龍蝦伊麵

星期日又係去街市逛逛的日子，見到其他人一袋二袋抽著的都是海鮮，有蝦有蟹又有魚，香港人真係好鐘意食海鮮。

其實我好少煮有殼的食物，所以好少買蝦蟹。 行過海鮮檔見到有龍蝦仔，喔...望吓價錢又唔係好貴喎 ~ 問吓身邊個 Honey 想唔想食龍蝦，不過佢個答案永遠都係「無所謂喇，你煮乜我都食 ~   」 哈哈 ~ 於是叫檔主揀左兩隻秤一秤....$110蚊....ok 扑鎚...將龍蝦開邊，買埋伊麵即刻返屋企開工

【材料】:   3人份量

1.  龍蝦仔    2隻開邊

2.  伊麵        2-3個

3.  蒜頭　　5瓣切蓉

4.  乾蔥頭    2個切粒

5.  清雞湯    1罐

6.  粟粉      適量 (打芡用)

7.   芝士       3-4片

8.   牛奶       2杯 (400 ml)

9.   牛油       2片

10. 鹽 / 胡椒粉   適量

11. 麵粉       少許

【做法】:

1. 
   

   開邊龍蝦洗淨，剪去腳爪

   
   
2. 
   

   龍蝦肉用胡椒粉、鹽稍為醃一醃，用手指撲上少許麵粉，不要太多太厚，薄薄一層便可  

   
   
   
3. 
   

   開油鑊，放入龍蝦煎至金黃色便盛起備用 (7-8成熟)  

   
   
   
4. 
   

   將伊麵放入熱水中汆水，盛起過冷河備用  

   
   
   
5. 
   

   將一罐清雞湯煮滾，加入半杯水，放入伊麵煮一會兒，隔起雞湯留起備用，將伊麵全部倒入焗盤內排好  

   
   
   
6. 
   

   熱鑊加入油，爆香蒜蓉、乾蔥粒，此時加入牛油片，倒入步驟五的湯底 (如有剩的話) 、兩碗清水、芝士片及2杯牛奶煮滾，加適量胡椒粉、鹽調味  

   
     
   
    
   
    
   
    
   
   
   
7. 
   

   放入龍蝦略煮一會兒，然後盛起龍蝦排在伊麵上  

   
              嘻嘻 ~ ~ 這張相是反面教材，不是龍蝦殼向面，而是龍蝦肉向面才對 !   
   
   
   
8. 將鑊內的芝士汁加入適量生粉水埋芡 (薄芡，不要太稠)，將芝士汁淋在龍蝦面及四周，灑上少許碎芝士  
   
    
   
     
   
9. 
   

   用200度預熱焗爐後，放入芝士龍蝦伊麵焗15分鐘 (焗爐火力有所不同，自己執生喇 ! )