鹽焗元朗烏頭

昨天約了朋友一起到元朗街市買烏頭及凍肉。之前我都有提過，每次到元朗一定會去專店買地道"元朗烏頭魚"，那個檔子只賣烏頭，而且必定有咸檸檬送比你。

元朗烏頭比較瘦身，沒有太多肥膏，一點也不腥，肉味鮮嫩，用鹽焗或蒜頭豆豉蒸都同樣好味道。而我最愛用鹽焗，因為至快至放便，又唔駛睇火，夠鐘就食得!

今次簡單用鹽焗，這些鹽是我早前做 "鹽焗雞" 時留下來的 (那次用五斤鹽呀 !)。

做法 :

1. 烏頭魚洗淨抹乾，咸檸檬去囊洗淨，將咸檸檬放入魚肚內，粗鹽用白鑊炒香，預備焗盤及錫紙，先放1/3鹽在底部，

2. 放入烏頭魚，再將餘下鹽鋪上，將錫紙封好，焗爐預熱 200度，放入焗盤 180-200度焗 15分鐘，取出打開錫紙口，轉 250度焗5分鐘，

3. 可以點蘸普寧豆醬，如嫌太咸可以加少許熱水調稀。 

用刀子輕輕在旁邊將魚皮揭起，因為有咸檸檬一起焗，所以魚肉有陣陣香味，咸咸酸酸真係好正 !

完成。