光波爐 ~ 爆玻璃事件

今日係6月9日，早上返工前望過都冇事發生，但晚上7時回到家中，正開心地準備做燒肉之際，突然發現個玻璃兜成個散晒，四圍都係玻璃碎，重尖到界手

第二日，即係6月10日上午，10時就打去德國寶問過究竟，佢個小姐話收貨唔夠一個禮拜，要我地打去永安問可唔可以換個全新的爐。點解關永安事 ???  送來時好地地，放左係廚房不足3日，在無人的情況下自己爆裂，可以點???  佢話可以比返 d 玻璃碎佢換個新兜，不過要自己攞去土瓜灣換，嘩 !! 我地住屯門，要攞住 d 玻璃碎搭巴士，萬一整到其他人點算 !!!!

打左去永安，佢問左幾條問題之後，都係話要問番代理 (即係德國寶)， 但係永安個小姐好好人，佢同我打去，結果可以換個玻璃兜之餘，重可以送貨到屋企，咁好好多。係度多謝呢位永安的張小姐。

不過又要等，6月13日才有新兜用呢   不過唔駛比錢 (個兜單買要 $180)

p.s.- 原來個玻璃兜唔係用強化玻璃做的，所以打碎左的碎片是非常鋒利，它的用料應該是耐熱玻璃而矣。即係可以入焗爐的那種。留意光波爐的兜是不可放入雪櫃後取出即時加熱。