烚蛋

烚蛋 ~ 一般都是用水放入煲烚，但好難煮到糖心效果，有時預o岩隻蛋裂左，想用水烚熟都好難，而家有個好簡單的方法，一定可以成功

方法一 : 用鑊 (明火)

先取兩張廚房紙，用水濕透，鋪在鑊上，加入雞蛋 (室溫)，再加4-5湯匙水，加蓋，用最細火焗 8分鐘，出來便是糖心效果。 就算隻蛋有裂痕，用此方法也不會爆殼。

如想做溫泉蛋效果，7分鐘便成

方法二 : 電飯煲 (最好的方法)

取兩張廚房紙，用水濕透，鋪在電飯煲底，加入4-5湯匙水，放入雞蛋 ，按開動掣，約 7-8分鐘自動熄火，蛋已熟透，更加方便。

小貼士 : 如是在雪櫃取出雞蛋，請加多1-2分鐘時間。