將上午11時,我地到達了菁桐,火車站不是太多人,周圍的店舖亦已開門營業。
一出門口便見到很多售賣小天燈的檔子,買了一個營光小天燈給囡囡做手信,"學業進步" 是我給女兒的祝願唷 ~ 不過我買給她的是 "平安喜樂"
因為此行是跟 "食尚玩家" 的推介而行,所以第一步必攻美食是...."雞卷"
之前亞蘇推介是 "楊家雞卷",而我地去的是另一檔 - "溫泉商店" ,他們本身是一間雜貨店,不過在門外擺賣炸物,其中以雞卷最有名。
長長的一條條便是雞卷,其實內餡是芋頭絲,用腐皮包卷後用熱油炸熟,食之前切件,再淋上甜酸醬一起食, NT 35/條, NT100/3條。
買了一條試下,油多左啲,個汁都幾好味,不過腐皮唔夠脆,比65分喇 !
亞姐在卷雞卷,即包即炸即賣...
第二樣必食的是 "阿嬤冰",真係一定要試,在香港未食過咁好食的冰條,我地買左草莓味,一咬入口,不是冰的感覺,而是綿花般...綿綿的,腍腍地,一啲都唔硬,真係要推比大家試下,我比90分,扣左10分是因為今次佢地又加左價,幾年前 NT10,舊年 NT20,今年 NT25,不過都值o既...嘻嘻 ~
由於當日不停下雨,我地唔想花太多時間四圍行,所以只係在大街行了來回一次,看看旅遊書介紹的舖子,如 "蓋火車印紀念圖章"、許願竹筒、楊家雞卷、偶像劇茶坊等等。 跟住便沿鐵路軌步行去平溪。
沿途一邊都是民居。咦 ? 前面個位哥哥等埋我呀 !
沒有留言:
張貼留言