香煎紐西蘭牛柳

多謝好友黃小姐團購預埋我，買左由紐西蘭坐飛機來的新鮮原條牛柳，一條重量 2KG。好長啊 ~  由於是批發價，價錢相對便宜，是市面售價的三份之一。

因為是新鮮屠宰，不是急凍凍肉，所以肉質沒有出水。切開一看，肉質很柔軟。

當晚即刻切了 6 片，一家三口每人吃 2 片，只用了牛油及五色胡椒調味，一嘗牛柳的原味 !

牛油起鍋，牛柳每邊用大火煎一分鐘，再按自己的喜好煎多1-2分鐘

配菜用了薯仔及菠蘿塊。

快速薯仔粒做法 : 薯仔去皮洗淨，切小丁方粒，放入微波爐碟中鋪平，不要重疊，加入 100 ml 熱水，蓋上微波爐保鮮紙，叮 3分鐘， 小心取出倒去水份。 牛柳煎好後取起，用餘下的油炒香薯仔粒，加入鹽及香草調味便可上碟 (可以用時蘿、羅勒 or 意大利雜香草) 。

 

p.s. - 當晚吃了 6片，只是 1/4 條左右，餘下的牛柳平均分為 3份，包好放入冰箱儲存。