近日買了一本新書 ~ 「彩繪．蛋糕卷」，原昨日文版作者是純子小姐，台灣版是由陳美齡翻譯 (唔知係唔係香港的陳美齡呢? 
)。
沉迷上畫花，雖然未掌握到家，仍然是醜醜陋陋，不過味道很好，蛋糕體十分鬆軟，難得老公鐘意帶返公司做早餐，所以晚晚整都唔怕，多啲練習先得 ~ 
跟書做的第一個蛋糕 ~ 畫心心 ~ 心形都有七成似，不過蛋糕體攪拌不勻，有氣泡，形成表面有許多大孔，下次要改善。
第二次一口氣做了兩款 ~ 豹紋 + 方格子 ~ 蛋糕體仍是有氣泡，激死 !
呢個係畫花第一步 ~ 格仔
豹紋
星期日又做了骷髏骨頭 & 圓點斜條子，開始似樣喇 ~
沒有太多的氣孔，9成9完美蛋糕體
作者 JUNKO 剛出了第二本彩繪 ~ 動物篇，好期待快啲出中文版
睇左VEDIO, 可以上YOUTUBE一齊學。
彩繪示範短片 : 鬆弛熊蛋糕卷
彩繪蛋糕卷網誌 : Junko部落格 ~ 作者 : 純子
好靚呀~ 唔知本書仲有冇得賣呢~
回覆刪除[版主回覆09/08/2011 18:24:17]有呀, 上星期日行左中華書局及商務都有得買, 有時間去找找。
我都買咗呢本書呀~
回覆刪除星期日第一次試玩，整咗最簡單的心心圖案，真係幾好玩啦！=)
[小Jo回覆12/12/2011 14:57:56]絕對同意呀，又滿足又有成功感呢~ 哈哈！=D
[版主回覆12/12/2011 14:33:43]係呀! 都好考工夫，喞花都幾難，手又要定，不過整完好有滿足感~ :)
書中第六頁話: 要把d 蛋預先冷藏, 但我之前做的蛋糕都是要預先放蛋至室溫才用, 邊個自岩呀?多謝指教!
回覆刪除[版主回覆03/12/2012 12:05:02]甜忌廉加紅豆蓉,兩者都有甜味, 整好我覺得太甜, 加芒果蓉或會好些, 有機會會試下, 因為我好少用甜忌廉, 我多用淡忌廉, 剩下的可以整意粉/雪糕/意大利牛奶布甸, 超多用法.
恭喜你你整到天使蛋糕, 有無脆脆呢? 我都識整焦糖脆脆, 你想學可以教你.
我初初劃圖案整起時都有甩掉, 而家都有, 我覺得控制爐溫好緊要, 有時不要盡信書中所用的時間, 要用眼看差不多凝固便要取出.
至於份量我會預多少少, 整多幾次便會預計到所需份量, 真係要靠經驗, 你整多幾次, 相信你可以掌握到份量的, 努力!
[wai回覆03/12/2012 00:01:26]好利害,正用剩好多甜忌廉可以用上了, 但可唔可以把紅豆改成芒果容, 怕唔怕太濕? 謝謝你的分享!
講返我個CAKE, 尋日一日整左兩次, 第一次溝色前唔記得把80G面粉倒入面糊先, 後來溝色時覺得奇怪先知, 整到份量亂晒, 我放棄溝色, 用完成品整左個忌廉CAKE. 呢個FORMULA整出來的CAKE有好美心天使蛋糕, 好好味!
到左夜晚我不服氣再整, 今次好好多, 但中間一舊心型脫左出來. 我唔想比人見到, 於是又反轉佢整左個卷蛋.
其實呢, 佢話要1/3的蛋白霜即係幾多平匙啊? 個份量正確是多少? 覺得佢溝出來太希...
面糊又應該正確係幾多呢. 例如佢話一小匙, 但我個匙一倒出來又留了一些在匙內, 搞到份量不準, 會嗎? 謝謝你睇我打一大篇同指教!
[版主回覆03/10/2012 19:13:34]你有無睇過我呢編POST - http://blog.yahoo.com/aprilcat-home/articles/11315 ; 就是用甜忌廉來做雪糕, 效果很好, 你bb多大呀? 我份工作是home working, 所以多數在家中工作, 地點可以出來配合你, 你看如何?
[wai回覆03/10/2012 10:09:34]其實我以前都學過架啦, 不過唔記得左, 我覺得忌廉打發出來的比起奶油(牛油+suger) 的高級d同好食d. 我在台灣食過一種忌廉是草莓攪碎雪成冰, 好似沙冰咁混入忌廉, 雪凍好有口感好好味, 今次都想試下妍究呢種口味呢.
我想去學架. 但我要返工9-6, 又要照顧bb. 所以想學一堂果種$180(不學10堂), 你睇下邊個課程岩我地一齊學, 交個朋友仔丫. 我好開心有人同我一齊妍究呀, 之前都試過好多次各種失敗, 好怕呢種整完一大輪然後失敗的感覺!
[版主回覆03/09/2012 23:33:14]其實兩種都可以, 愛護牌已有甜味, 又易打起, WIPPING CREAM - 動物性厚忌廉, 有總統牌、安佳、塔牌., 因為有牛奶成份所以味道香濃, 打發時間要耐一些, 用機打也不難, 忌廉要夠凍才可打起, 可以坐冰水, 打到可以在忌廉上劃上花紋也不消失便叫OK, 其實蛋卷不一定要用忌廉做夾心, 你初學捲可以用果醬、朱古力榛子醬來做餡, 又好味, 又經濟, 或者用牛油忌廉, 只需打牛油加砂糖打發成白色糊狀便可, 美心的蛋卷也是用牛油忌廉, 一樣好味, 最重要是多練習唧花(即係造形), 有時我一天整2個, 食都食唔晒...haha. 如果有機會, 或者可以出來交流下。 有真人示範會易明好多, 係喇, 你有無去學過整餅? 有無興趣去下工聯會學?
[wai回覆03/09/2012 22:53:28]Help, 我又有問題啦!
我買左平時裝飾用的愛護牌植物奶油. 準備整呢個CAKE, 但書中話要用動物性鮮奶油, 即是WIPPING CREAM 嗎?? 兩者用邊隻先岩? 我用過WIPPING CREAM好似唔夠硬身, 好水. 請指教啊!!!
[版主回覆03/08/2012 17:22:35]唔駛客氣, 其實睇書唔難, 有唔明你可以問下我, 幫到你我也很高興~
[wai回覆03/08/2012 17:10:48]多謝你啊, 我整過多次都只係按書中的步驟去整, 次次都唔成功, 我唸呢種辦法整得好, 好多CAKE都可以整到, 多謝你咁寶貴的經驗同我分享啊!
[版主回覆03/08/2012 17:07:07]依我經驗, 先將蛋白蛋黃分開, 蛋白未用先放入雪櫃, 蛋黃+糖高速打發, 糖一定會溶解, 加左顏色都要劃好耐, 焗好圖案才好打蛋白, 否則放置太久會出水.
[wai回覆03/08/2012 17:00:33]我會用書中的分蛋法來整, 但會唔會d蛋黃凍, 整唔溶d 糖, 變左d糖沉澱唔均? 多謝你!!!感激!!!
[版主回覆03/08/2012 16:58:20]書中是用分蛋法做蛋糕體, 凍蛋白打發會較硬身, 充滿細密氣泡才可做出鬆軟蛋糕，如用全蛋法做蛋糕體, 那便要用室溫蛋 (或坐暖水打發), 因為蛋黃卵鱗脂, 常溫可幫助乳化, 打成杰身狀態, 希望幫到你。
第二本出左喇，二德惠有呀, $75 with 20% off
回覆刪除你好, 很好利害, 我是路過的...
回覆刪除書上寫25x25cm...旦我的焗爐是18x25cm. 點算好?
[版主回覆08/06/2012 13:30:40]你是指焗盤的尺寸, 是嗎? 沒關係的, 用18CM的一邊來對著自己開始卷, 一樣可以,
嘩好叻呀,我連個卷都卷唔埋呀
回覆刪除