今年的第一瓶是由2011年4月9日開始浸製，算一算剛好4個月了。
上個月循例檢查時試過味，仍然是帶酸及有澀味，酒味濃烈，有點嗆喉 (可能是因為我用三蒸及高粱酒吧，酒精度有38-45度)，於是在各瓶子再添加多一點冰糖；今天試味味道已溫和了很多，澀味減少，我想再多浸數月梅味會更醇。
看! 這瓶熟梅酒呈現美麗的琥珀色 ~ 梅子雖然有點醜醜，但不會影響味道啊 ~
唷 ! 這瓶只浸了3個月，梅子漲卜卜，圓圓潤潤很飽滿，原因此瓶沒有下糖，只有米酒及梅子而已，顏色較淺 ~
真是越睇越靚 ~ 很像choya梅酒的梅子啊 !
每一個月都要拿酒瓶出來搖一搖，好讓糖、酒更融合。
(因為我唔夠力舉起大瓶酒，所以用乾淨的筷子幫手，大家要記住事前一定要消毒筷子，不要沾上油份及水份)。
開始浸製時不要加太多糖，到3-4個月之後可以先試味，才逐少糖。
我這瓶是 "蜂蜜伏特加梅酒"，今天再加點蜜糖 ~ 好期待收成日的來臨 !
浸得好靚。
回覆刪除我無浸過梅酒，浸過糯米酒。
[版主回覆08/10/2011 21:50:14]糯米酒好難浸，有朋友浸了一瓶給我，可惜酸了，不知是什麼地方出錯。
嘩~~好似好正咁呀~~~~
回覆刪除唔落糖原來好鬼靚！
回覆刪除我就係跟你學浸，雙蒸，vodka，jin！好飲過Choya多多聲！無得頂！而家嚟謝師！
回覆刪除[Agnes的自煮世界回覆12/05/2011 13:03:57]我浸左1支雙蒸，1支vodka，1支gin酒........我唔知點將入樽喎，就咁飲咋！凍飲！
[版主回覆12/02/2011 23:31:59]這麼快又半年, 好開心能與你分享浸梅酒, 不用客氣, 近日我也準備將酒入樽, 有些朋友試了自家梅酒後都話明年一定要學浸, 你浸了多少斤呢?