迷你蛋黃奶黃月餅

一年容易又中秋 !  去年整左「傳統蓮蓉月餅」及「吉蒂貓冰皮月餅」，當然唔少的「玉桂狗造型月餅」喇!  ~ 很高興各款月餅都得到大家喜愛。

今年跟風又學整「迷你蛋黃奶黃月餅」，食譜取自去年蘋果日報的月餅食譜，我只做了一半份量，奶皇味道剛剛好，不太甜，不過焗起之後餡料略為乾身，下次要加多少少油和水份先得。



 

初初壓模都好靚仔嫁，

 

 

第一次焗左5分鐘取出時仍然十分靚仔， 

 

不過掃蛋之後再焗就太深色，下次要小心控制爐溫先得 。(我覺得原食譜用230度太高了，下次我會改用180度試下，食譜嘅野唔可以盡信，始終要自己親自試過才可配合自家的爐具。)

原食譜材料 :

餅皮材料

糖漿 420毫升、花生油 120毫升、鹼水 12毫升、麪粉 600克、手粉適量

餅皮做法

1.將麪粉放於枱面，挖出小洞，注入生油、鹼水、糖漿，用刮刀輔助拌勻。
2.將麪糰搓至軟滑，若麪糰黏住枱面，可灑入少許手粉。
3.搓好後放碗中，蓋上濕毛巾，放雪櫃冷藏一晚。　

奶黃餡料：麪粉/粟粉/奶粉各 90克、雞蛋 10隻、牛油（室溫）/吉士粉各 80克、砂糖 600克、花奶 400毫升

做法 :

1.砂糖、粟粉、麪粉、奶粉、吉士粉拌勻，加入牛油搓勻。

2.逐少加入花奶，一邊用手拌勻以防起粒，再加入拂勻雞蛋，慢慢攪拌以防起粒。

3.將拌勻的材料倒入碟中，放入鑊用中火隔水蒸 25分鐘至熟透。取出放凉後，放入雪櫃冷藏一晚。

4.將奶黃餡搓成長條形，再分成小份備用。

5.取出餅皮麪糰，搓成長條狀後分成約 20克一小份，於枱面灑上手粉，放上麪糰後用膠刮刀壓薄成片，包入餡料。

6.餅模內灑入適量手粉，將麪糰滾上小量麪粉略搓成長形放入模內。用力平均壓一下，擠出空氣，將多餘麪糰取走，然後左、右兩邊各大力拍一下，最後反轉餅模扣拍出月餅。

7.將月餅排於焗盤，餅面噴少許清水，放入已預熱至 230℃ 焗爐，焗 5分鐘至微金黃色，取出在餅面掃上蛋液，再焗約 15分鐘便成。

P.S.- 記住月餅焗好後要放置2-3天，讓餅皮回油才好食啊!