好耐冇食過新鮮的餈飯喇,以前置樂有間上海店子,佢地的餈飯是點單時才包給你,油炸鬼仍有點脆,很好吃,可惜店子已經關門大吉。 依家出面賣的都是包好用蒸爐蒸住,油炸鬼腍左,肉鬆又少,不好吃。
之前在台灣買了一罐肉鬆回來,想一想不如自己整喇,其實好易做,不過蒸糯米要多一點時間預備而已。 即包即食,熱辣辣,油炸鬼脆卜卜,肉鬆又是脆口的,大大個食完包晒 !
材料 (4個份量) :
【準備】
(a) 糯米一斤、雞粉 2茶匙、清水 1湯碗
- 先將糯米洗淨,加水及雞粉 2茶匙浸水一晚,
(b) 即食炸菜 1 包、油炸鬼 2條、豬肉鬆 (份量隨意)
- 即食炸菜取出,用熱水洗去味汁,用廚房紙抹乾水份,然後切成碎粒備用
【做法】
1. 糯米隔去水份,加入半茶匙鹽撈勻,蒸籠鋪上白布,將糯米平鋪在上,蓋上鍋蓋隔水蒸 45分鐘
2. 將蒸熱的糯米飯挖鬆,將另一塊白弄濕鋪在工作枱上 (濕布可備免黏著),按次序先鋪上糯米飯、肉鬆、炸菜粒、最後放上油炸鬼,將所有材料包緊便成。
好勁呀! e個都自己整!!!!!!!!
回覆刪除