容易受傷的女人

上次提及的 "21日療程" 還有三天便可完成 ! 好期待 !

醫師提到我的雙腳大腿肌肉無力，小腿筋腱蹦緊，回想成因之一是因為平日沒有運動，在寫字樓工作由朝坐到晚，沒有中途休息做伸展運動 。 之前膝蓋郁動時有聲響，原來是先兆之一，是因為十字韌帶鬆馳，大腿肌肉減弱不能承托膝關節，他利用手法按壓僵硬的肌肉及收緊韌帶，每次被他按到 "哇哇大叫"，眼淚水都流出來了。 

早幾天天氣十分潮濕，膊頭、手腕痛到不得了，連手指頭都痲痺，心想 : 「唔...又是風濕發昨的日子到了 ! 準過天文台 ! 」，貼了兩晚鎮痛貼都唔得，瞓覺完全唔知點擺隻手 !  唉....我又唔係做地盤，點解做 office 都做到五勞七傷?

原因只有一個 - "為口奔馳" - 公司人手減左，摩打手日日打文件，(就是沒有野做都要坐定定，唔敢四圍行，皆因有專人打小報告，我係pantry睇下報紙都比人口頭warning)，但係僱主沒有提供合適高度的電腦台，椅桌高度不合適，整隻手臂放上過高的桌面用滑鼠工作，久而久之膊頭長期受壓，肩峰下的肌腱或軟組織受到擠壓，變左肩周炎，上下手臂兩條筋都發炎，結果.....又係痛.....

多口問醫師可以點解決?  就係咁囉......希望7日可以攪掂喇 ~

** 為了使肌肉或關節得到舒緩，工作約30至45分鐘後應進行舒展運動 **