西蘭花魚柳@光波爐

而家一個星期有幾日都會帶飯返公司做午餐，成日要諗d反叮之後仍然好味的餸菜 (例如燜餸)，有時又唔想同晚餐重複，昨晚專程焗左呢個魚柳做午餐盒，又快又簡單，今日叮熱十分好味

其實光波爐 = 焗爐，所以用之前都一定要預熱，等內部溫度提升後才放入食物。由於佢的體積相對焗爐較細，所以烹煮時間相對較短，而且真的沒有油煙，預熱時間只需3分鐘，比起焗爐要15分鍾真是快好多，可以慳電慳時間

做法 :

1) 首先將魚柳用少少鹽，糖，油，雞粉，水，生粉，薑汁，薑末略醃

2) 取錫箔紙，先鋪上西蘭花，酒上鹽花，再將魚柳平均鋪上面，加入 2-3湯匙熱水，蓋上錫箔紙封好四邊。

3) 預熱光波爐3分鐘，罝高架，190-200度焗 14-15分鐘

4) 出來的魚柳有少少焦黃，很吸引。 

我將水份倒出來勾芡 (用微波爐叮十秒，2-3次) ，唔使開明火都有靚菜食