早前見到blog友神仙去左學整叉燒,攪到我又心思思想整番一次。 其實以前都有整過幾次是用叉燒醬醃味,不過我唔係好想再用叉燒醬,一來唔鐘意佢太多人做色素,二來個味道有點怪怪,總是與真正的叉燒不同味道。
今日上網搵左蘋果日報的一個食譜,有埋 vedio,教整左四款燒味,可以好容易在家中自己炮製,今日先做「南乳叉燒」,一如大廚所說 : 「叉燒可以很多變,除了單吃,還可以切碎做叉燒包或切絲炒蛋等。其味道甘香且啖啖肉,用南乳來做叉燒,不用加色素都可以做出嫣紅效果。」
自己整真係好好味,呢個調味出來與街外買的叉燒真是一樣味道,一上桌老公同囡囡已狂掃一空,美中不足是用焗爐太大煙,下蜜汁後燻出了很多油煙,下次我要試下用光波爐,到時再post 比大家知。
以下是原食譜 :
材料 :
梅頭肉 2斤
調味料:
乾葱 3粒(剁茸)、蒜茸 6粒、砂糖 5湯匙、鹽 1湯匙、雞粉 1湯匙、麻醬 1湯匙、大南乳 1件、鮮醬油 2湯匙、雞蛋 2隻、五香粉 1/3茶匙、玫瑰露酒 1湯匙
蜜汁料:
麥芽糖 450克、水 4湯匙、冰糖 75克、薑 2片、鹽 1湯匙
(我只做一半份量,即梅頭肉一斤,切成2條,以上調味料全部減一半份量)
(蜜汁我用了2湯匙麥芽糖,水4湯匙、冰糖2小粒、薑2片、鹽半茶匙)
做法 :
1. 把水、冰糖、薑及鹽放入碗,然後與麥芽糖坐在一鍋熱水中,直至冰糖及鹽溶化。燒熱平底鑊,加糖水拌勻,再加已煮軟的麥芽糖拌勻成蜜汁。
2. 將砂糖、鹽、雞粉及五香粉拌勻,再加乾葱茸、蒜茸、玫瑰露酒、鮮醬油、麻醬及大南乳壓爛,最後加雞蛋拌勻至起膠如芡汁狀
3. 將一條梅頭肉放入( 2),塗勻後再放入第二條,共醃半小時,其間每隔 10分鐘轉一轉,讓味道更均勻。
p.s.- 梅頭肉洗淨後一定要抹乾水份才醃,如果唔係會好淡味。
4. 用鋼針把梅頭肉串起,放入已預熱焗爐,用 250℃烤 15分鐘,取出翻轉另一面,再放回焗爐烤 10分鐘,取出稍攤凉後,塗上蜜汁,再放回焗爐用 180℃烤 15分鐘,取出後將四周焦燶的邊位剪走,再於兩面塗上蜜汁,斬件即成。
(注意: 各焗爐大小不同,個別要調整度數及時間,不要死跟呀!)
萬里機構出版的《在家做燒味》於各大書店有售)
沒有留言:
張貼留言