焗芒果芝士蛋糕配芒果果醬

好耐無整蛋糕，家中有些 cream cheese，於是上星期六用來焗了一個 cheese cake。

原食譜是美國芝士蛋糕，但我又唔想整餅底，又唔想用打蛋機，家中又無酸忌廉，剛好上星期煮了一瓶芒果果醬，又有新鮮檸檬，於是亂來做左呢個焗芒果芝士蛋糕，呢款係比較硬身的芝士蛋糕，再配上香甜自家製 「芒果果醬」，再添一杯熱咖啡......喔! ....好好味的假日下午茶 !  

材料 :

cream cheese  250 gm、糖 70克、全蛋 2隻，檸檬青 一個、檸檬汁 半個、淡忌廉 200克、芒果醬 2湯匙、粟粉 2湯匙

做法 :

1. cream cheese 及砂糖用蛋拂打滑，一次加入一個蛋，逐次攪拌均勻，再倒入檸檬青及檸檬汁混合，再分2-3次加入淡忌廉攪拌均勻，然後加入芒果醬混合，最後把粟粉篩入芝士糊內，攪拌至沒有結塊為止。

 

2. 餅模底部及圍邊鋪上牛油紙 (或塗上牛油)，焗爐預熱至170度，烘烤40-45分鐘，出爐後放涼，放入冰箱冷藏 3小時以上。 

 

  

享用時再加上芒果醬吃起來更加美味。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日下午茶配了自家煮士多啤梨醬，一樣咁好味道 ! 

士多啤梨醬帶點酸酸，為重口味的芝士蛋糕帶來了一點清新口味。